यावल : येथील भुसावळ रस्त्यावरील भुसावळ नाक्याजवळ रविवारी वाजता दुचाकी व ट्रक अपघातात एक जण ठार झाला, तर दुसरा गंभीर जखमी झाला.
यासंदर्भात मिळालेली माहिती अशी की, यावल ते भुसावळ मार्गावरील जुने भुसावळ नाक्यावर २५ जुलै रोजी सकाळी अकराला यावलहून भुसावळकडे जात असलेल्या एमएच-१९-बी-२१८o७ या आपल्या मोटारसायकलने यावल येथील आठवडे बाजार परिसरातील राहणारे शेख शकील शेख ईबा, (मिस्त्री) (वय ४७) व दहिगाव येथील मेहमूदखान फकिरखान (५२) हे दोन्ही बांधकाम कारागीर भुसावळकडे कामाला जात होते. तेव्हा भुसावळहून यावलच्या दिशेने येणाऱ्या एका अज्ञात वाहनाने भरधाव वेगाने मोटारसायकलला धडक दिल्याने भीषण अपघात झाला. यात शेख शकील शेख ईबा यांना उपचारार्थ येत असताना वाटेतच त्यांचा मृत्यू झाला आहे.
दरम्यान, घटनास्थळावरून पसार झालेला अपघातास कारणीभूत ट्रक अंजाळे गावाजवळ नागरिकांच्या मदतीने पकडण्यात आला. ट्रकचालक सुधीर रमेश आसुरकर रा.वणी, जि. यवतमाळ यास वाहनासह पोलिसांच्या ताब्यात देण्यात आले आहे.