अरूण सोनवणे यांची निवड
जळगाव : जिल्हा नागरी सहकारी बँके कर्मचारी सहकारी पतपुरवठा या संस्थेच्या अध्यक्षपदी अरूण सोनवणे यांची निवड करण्यात आली आहे. सहकार अधिकारी आय. बी. तडवी यांच्या अध्यक्षतेखाली झालेल्या संचालक मंडळाच्या सभेत सोनवणे यांची एकमताने निवड करण्यात आली.
सुलभा कुलकर्णी सेवानिवृत्त
जळगाव : जिल्हा नागरी सहकारी बँके कर्मचारी सहकारी पतपुरवठा संस्थेच्या माजी अध्यक्षा तथा जळगाव जनता बँकेच्या अधिकारी सुलभा राजीव कुलकर्णी या नुकत्याच सेवानिवृत्त झाल्या. संस्थेचे अध्यक्ष लखीचंद सुर्यवंशी व इतर संचालक मंडळाच्या वतीने कुलकर्णी यांचा सेवानिवृत्तीनिमित्त सत्कार करण्यात आला.
विद्यार्थांना पोषण आहाराचे वाटप
जळगाव : खान्देश युनियन एज्युकेशन सोसायटी संचलित केै. गि. न. चांदसरकर प्राथमिक विद्यालयात विद्यार्थांना नुकताच पोषणआहार वाटप करण्यात आला. यावेळी संस्थेचे अध्यक्ष मेजर नाना वाणी, प्रमोद चांदसरकर, सुप्रिया चांदसरकर, सिमा चांदसरकर, श्याम ठाकरे उपस्थित होते.
भारत बंदला जनक्रांती मोर्चाचा पाठिंबा
जळगाव : दिल्ली येथे विविध शेतकरी संघटनांनी आपल्या मागण्यासांठी ८ डिसेंबर रोजी पुकारलेल्या भारत बंद पाठिब्याला महाराष्ट्र जनक्रांती मोर्चाने पाठिंबा दर्शविला आहे. या बाबत जनक्रांती मोर्चोचे अध्यक्ष मुकुंद सपकाळे यांनी प्रसिद्धी पत्रकाद्वारे कळविले आहे.
महिला महाविद्यालयात व्याख्यान उत्साहात
जळगाव : येथील कला, वाणिज्य व गृहविज्ञान महाविद्यालयात डॉ. बाबासाहेब आंबेडकरांच्या महानिर्वाण दिनानिमित्त प्रा. मिलिंद मघाडे यांचे `बाबासाहेब आंबेडकरांचे सामाजिक क्रांतीचे विचार` या विषयावर व्याख्यान उत्साहात पार पडले. यावेळी प्राचार्या डॉ. जयश्री नेमाडे उपस्थित होत्या.