ऑनलाईन लोकमत
न्हावी, ता.यावल,दि.10 - काही दिवसांपासून न्हावीसह परिसरातून पाऊस गायब झाला आहे. त्यामुळे शेतातील पिके पावसाअभावी नष्ट होण्याच्या मार्गावर आहे. समाधानकारक पाऊस व्हावा यासाठी येथील महादेव मंदिरात अभिषेक करुन देवाला साकडे घालण्यात आले.
मधुकर सहकारी साखर कारखान्याचे चेअरमन शरद महाजन, उपसरपंच अनिल चौधरी यांच्या हस्ते पूजा करुन महादेवाला साकडे घालण्यात आले. यावेळी मिलिंद महाजन, प्रल्हाद बोरोले, टेणू बोरोले, एम.के.चौधरी यांच्यासह शेतकरी उपस्थित होते. न्हावी आणि परीसरात पाऊस लांबला आहे. त्यामुळे दुबार, तिबार पेरणीचे संकट उभे ठाकले.