रावेर : पाल वन्यजीव अभयारण्यातील वनकक्ष क्र.29 मधून पेटत आलेला आगीचा वणवा रावेर वनक्षेत्रातील कुसुंबा वनकक्ष क्र. 25 व 26 मध्ये भडकला असून अग्निशमन दलाचे बंब आगीच्या भक्ष्यस्थळी पोहोचण्यास दुरापास्त ठरल्याने वनक्षेत्रपाल राजेंद्र राणे व पाल वन्यजीव अभयारण्याचे वनक्षेत्रपाल सोनवणे यांच्या नेतृत्वाखाली सुमारे 200 वनमजुरांनी व तीन फायर ब्लोअरच्या साह्याने आग आटोक्यात आणण्यासाठी शर्थीचे सुरू असलेले प्रय} निष्फळ ठरले आहेत. या डिंक, लाकूड, फाटय़ासह लाखो रुपयांची वनसंपदा आगीत भस्मसात झाली असून नुकसानीचा अंदाज व्यक्त करणे तूर्तास अशक्य असल्याचे सूत्रांनी स्पष्ट केले आहे. कुसुंबा वनकक्ष क्रमांक 25 व 26 मध्ये पाल वन्यजीव अभयारण्यातील वनकक्ष क्रमांक 29 मधून आलेला वणवा भडकला असून सातपुडय़ाच्या अतिदुर्गम भागातील आगीच्या भक्ष्यस्थानी अग्निशमन दलाचे बंब पोहोचणे दुरापास्त ठरल्याने वनविभागाची एकच दमछाक उडाली आहे. वनक्षेत्रातील दोन व वन्यजीव अभयारण्यातील एक अशा तीन फायर ब्लोअरच्या साहाय्याने व 200 वनमजुरांच्या साहाय्याने आग आटोक्यात आणण्याचे शर्थीचे प्रय} सुरू आहेत. सायंकाळी उशिरार्पयत आग आटोक्यात आणण्यात वनविभागाला यश आले नव्हते.
कुसुंबा वनकक्षात वणवा
By admin | Updated: April 15, 2017 00:22 IST