जळगाव : गोलाणी मार्केट रिक्षा स्टॉपजवळून संदीप तुकाराम महाजन (रा.एरंडोल) यांची दुचाकी अज्ञात चोरट्याने चोरून नेल्याची घटना २२ रोजी सकाळी ११ वाजता घडली असून, याप्रकरणी शहर पोलीस ठाण्यात चोरट्याविरुद्ध गुन्हा दाखल करण्यात आला आहे.
संदीप महाजन हे काही कामानिमित्त जळगावात दुचाकीने (एमएच.१९.एव्ही.०१०४) आले होते. गोलाणी मार्केट रिक्षा स्टॉपजवळ सकाळी १०.३० वाजता त्यांनी त्यांची दुचाकी उभी केली होती. काम आटोपून ११ वाजता दुचाकी उभी केल्या ठिकाणी आले असता, त्यांना दुचाकी चोरीला गेल्याचे दिसून आले. त्यानंतर शुक्रवारी शहर पोलीस ठाण्यात दिलेल्या तक्रारीनुसार गुन्हा दाखल करण्यात आला आहे.
०००००००००००००
अल्पवयीन मुलीस पळवून नेले
जळगाव - हरिविठ्ठल नगरातील अल्पवयीन मुलीस गाजरे हॉस्पिटलजवळून कुणीतरी फूस लावून पळवून नेल्याची घटना उघडकीस आली आहे. याप्रकरणी जिल्हापेठ पोलीस ठाण्यात मुलीच्या आईच्या तक्रारीवरून अज्ञात व्यक्तीविरुद्ध गुन्हा दाखल करण्यात आला आहे. पुढील तपास पीएसआय प्रदीप चांदेलकर करीत आहेत.