जळगाव : आकाशवाणी चौकाकडून ईच्छादेवीकडे जाणाऱ्या दुचाकीला भरधाव ट्रकने मागून धडक दिली. ही घटना ६ जून रोजी सायंकाळी ७ वाजताच्या सुमारास महामार्गावर घडली. याप्रकरणी ट्रक चालकाविरुद्ध गुन्हा दाखल करण्यात आला आहे.
अजय दिनकर पाटील (वय ३५) हे भगीरथ कॉलनी येथील रहिवासी आहेत. रविवार, ६ जून रोजी सायंकाळी ७ वाजताच्या सुमारास अजय हे दुचाकीने (एमएच १९ एन १०५०) आकाशवाणी चौकाकडून ईच्छादेवी चौकाकडे जात होते. तितक्यात सीजी ०४ जेडी ६७४० क्रमांकाच्या भरधाव ट्रकने त्यांच्या दुचाकीला मागून जोरदार धडक दिली. यात दुचाकीचे नुकसान झाले तसेच अजय यांच्या हाताला गंभीर दुखापत झाली. याप्रकरणी त्यांच्या फिर्यादीवरून जिल्हापेठ पोलीस ठाण्यात ट्रक चालकाविरुद्ध गुन्हा दाखल करण्यात आला आहे. पुढील तपास नीलेश पाटील करीत आहेत.