जळगाव : जळगाव-औरंगाबाद रस्त्यावरील हॉटेल कस्तुरीसमोर झालेल्या दुचाकींच्या अपघातात वसीम इब्राहिम शेख (३२, रा.अक्सानगर) हा तरुण ठार झाला होता. या प्रकरणी गुरुवारी धडक देणाऱ्या दुचाकीस्वाराविरुद्ध एमआयडीसी पोलीस ठाण्यात गुन्हा दाखल करण्यात आला आहे.
वसीम शेख हे अक्सानगरात कुटुंबासह वास्तव्यास होते. त्यांच्या काकांचे औरंगाबर रस्त्यावर नॅशनल वर्कशॉप नावाचे दुकान आहे. ३ जुलैला वसीम हे काकांच्या दुकानावर गेले होते, नंतर दुपारी साडेतीन वाजण्याच्या सुमारास शहराकडे येण्यासाठी ते दुचाकीने निघाले. दरम्यान, हॉटेल कस्तुरीसमोरून जात असताना त्यांच्या दुचाकीला रामनगरकडून येणाऱ्या दुचाकी (एमएच.१९.डीआर.७४८०) ने जोरदार धडक दिली. यात वसीम यांचा मृत्यू झाला. अपघातानंतर धडक देणारा दुचाकीस्वार घटनास्तरावरून पसार झाला. दरम्यान, या प्रकरणी गुरुवारी मयत वसीमचे भाऊ इरफान शेख यांच्या फिर्यादीवरून एमआयडीसी पोलीस ठाण्यात धडक देणाऱ्या दुचाकीस्वाराविरुद्ध गुन्हा दाखल करण्यात आला आहे.