पारोळा : महाराष्ट्र राज्य शिक्षक सेनेतर्फे पारोळा गटसाधन केंद्राच्या आवारात वृक्षारोपण करण्यात आले. आमदार चिमणराव पाटील यांच्या हस्ते हा कार्यक्रम पार पडला.
यावेळी आमदार पाटील यांनी गुरुपौर्णिमेच्या दिवशी गुरुजींसमवेत मुख्यमंत्री उद्धव ठाकरे यांच्या वाढदिवसानिमित्ताने वृक्षारोपणाचा योग आला, याचा मनस्वी आनंद झाला असल्याचे सांगितले.
पारोळा पंचायत समितीचे गटविकास अधिकारी एन.आर.पाटील, गटशिक्षणाधिकारी कविता सुर्वे, शिक्षण विस्तार अधिकारी सी.एम. चौधरी, शिक्षक सेना प्राथमिक जिल्हाध्यक्ष नरेंद्र सपकाळे, माध्यमिक जिल्हाध्यक्ष नंदकुमार पाटील, जिल्हा सरचिटणीस नाना पाटील, तालुकाध्यक्ष अनिल चौधरी, जिल्हा उपाध्यक्ष सुनील चौधरी, नीलेश पाटील, जळगाव तालुकाध्यक्ष राजू पाटील, तालुका उपाध्यक्ष नाना मराठे, तालुका कोषाध्यक्ष ईश्वर धोबी, योगेश चौधरी, राजेंद्र पाटील, डी.एम.सोनवणे, सचिन देशमुख, गिरीश वाणी, आण्णा चौधरी, सुनील जाधव, रवींद्र पाटील, विशेष शिक्षक, मोबाइल टीचर्स, गटसाधन कर्मचारी उपस्थित होते. सूत्रसंचालन अनिल चौधरी व आभार नंदकुमार पाटील यांनी मानले.