टेनिस बॉल क्रिकेट संघटनेची १७वी १६ वर्षाच्या आतील मुला, मुलींची राज्यस्तरीय अजिंक्यपद स्पर्धा नागपूर येथे ४ ते ६ सप्टेंबरदरम्यान होणार आहे़. तसेच २१वी ज्युनियर १९ वर्षाआतील मुला/मुलींची स्पर्धा अमरावती येथे ११ ते १३ सप्टेंबर २०२१ दरम्यान होणार आहे.
दोन्ही स्पर्धेकरिता जळगाव जिल्ह्यातील खेळाडूंची निवड २९ ऑगस्ट रविवार रोजी दुपारी १२ वाजता शिवकॉलनी येथील अष्टविनायक स्पोर्ट्स क्लबच्या मैदानावर चोपडा येथे होणार आहेे. १६ वर्षाकरिता १ जानेवारी २००५ व १९ वर्षाकरिता १ जानेवारी २००२ नंतर जन्मलेल्या खेळाडूंनी क्रिकेटच्या गणवेशात स्वतःची बॅट घेऊन निवड चाचणीस उपस्थित राहावे. अधिक माहितीसाठी जिल्हा सचिव वासेफ पटेल, अष्टविनायक स्पोर्ट्सचे अरविंद जाधव, मनोज जाधव, मंगेश भोईटे, ललित सोनवणे यांच्याशी संपर्क साधावा, असे आवाहन आयोजकांकडून करण्यात आले आहे.