जळगाव- धरणगाव तहसीलदारांविरुद्ध जिल्हाधिकारी कार्यालयासमोर धरणे आंदोलन करणाऱ्या जिल्हा परिषद सदस्या माधुरी अत्तरदे यांच्यासह सहा जणांविरुद्ध साथरोग प्रतिबंध कायदा व आपत्ती व्यवस्थापन कायद्याविरुद्ध गुन्हा दाखल करण्यात आला आहे.
शहरातील गणेश कॉलनीतील रहिवासी माधुरी चंद्रशेखर अत्तरदे या साळवा-बांभोरी गटातून निवडून आल्या आहेत. ७ मे रोजी जि. प. सदस्या माधुरी अत्तरदे, बांभोरीचे माजी सरपंच राकेश नन्नवरे, कविता राकेश नन्नवरे, वर्षा मनोज झोपे, नयना दीपक चौधरी, सुनिता नितीन बोरोले यांनी धरणगावकरांना न्याय मिळावा व इतर विविध मागण्यांसाठी तहसीलदार नितीन देवरे यांच्याविरोधात जमावबंदीचे आदेश असतांना देखील तसेच साथरोग प्रतिबंध कायदा लागून असतांना देखील बेकायदेशीररित्या आंदोलन करीत नियमांचे उल्लंघन केले. याप्रकरणी पोलीस कर्मचारी विकास बहुळकर यांच्या फिर्यादीवरून गुन्हा दाखल करण्यात आला आहे. पुढील तपास जितेंद्र सुरवाडे करीत आहेत.