सध्या ज्वारी, बाजरी, भुईमूग, मका यासह पिकांची अंतिम काढणीही तालुक्यात रानोमाळ दिसत आहे. पीक काढणीचा व खरीप हंगाम पेरणीपूर्व शेती मशागतींच्या कामांची शेतकऱ्यांची धावपळ सुरू आहे. शेतकरी ट्रॅक्टर वा बैलजोडीने शेत नांगरणे, वखरणे, कपाशीसाठी, ऊस, केळी पीक लागवडीसाठी सऱ्या पाडणे, शेतात खत पसरवणे, शेतावरील बांध, काडीकचरा जाळणे यासह शेतीकामांना वेग आला आहे. या आठवड्यापासून तालुक्यात मान्सूनपूर्व बागायती कापूस लागवडीस सुरुवात झाली आहे. कापूस लागवडीलाही वेग आला आहे.
बागायती कापूस लागवडीसह शेती मशागतीच्या कामांना चांगलाच वेग वाढला आहे. तालुक्यात आता शेतशिवार शेतकरी, शेतमजुरांच्या धावपळीने गजबजल्याचे चित्र आहे. ७५ ते ८० मिलीमीटर पाऊस पडल्यावरच ओलाव्यातच शेतकऱ्यांनी पीक पेरण्या कराव्यात जेणेकरून उगवण क्षमता चांगली राहील. नुकसान टाळता येईल, असे आवाहन तालुका कृषी अधिकारी बी. बी. गोरडे व कृषी अधिकारी दीपक निकुंभ यांनी केले आहे.
भडगाव तालुक्यात होणार ३७ हजार ६९३ हेक्टर क्षेत्रावर पीक पेरण्या
भौगोलिक क्षेत्र ४८ हजार ४४६ हेक्टर
लागवडलायक क्षेत्र ४२ हजार १३१ हेक्टर
मागील वर्षी झालेल्या पीक पेरण्या ३७ हजार ६९३ हेक्टर
यावर्षीचे उद्दिष्ट ३७ हजार ६९३ हेक्टर
कापूस लागवड
मागील वर्षी-२५ हजार २६० हेक्टर
यावर्षी-२७ हजार हेक्टर.
सोयाबीन
मागील वर्षी- ६१० हेक्टर.
यावर्षी- ७५० हेक्टर.
भरारी पथक व तक्रार निवारण कक्ष स्थापन
बी-बियाणे, कीटकनाशक, रासायनिक खते खरेदीत शेतकऱ्यांची फसवणूक होऊ नये, म्हणून भडगाव पंचायत समितीत कृषी निविष्ठा तक्रार निवारण कक्षाची स्थापना कृषी विभागामार्फत करण्यात आली आहे. हा कक्ष कार्यान्वितही करण्यात आला आहे. भरारी पथकही याकामी नेमण्यात आले आहे. जादा दराने बियाणे व रासायनिक खतांची विक्री होत असल्यास तात्काळ कृषी विभागाशी संपर्क साधावा, असे आवाहन तालुका कृषी अधिकारी बी. बी. गोरडे, कृषी अधिकारी दीपक निकुंभ यांनी केले आहे.
===Photopath===
010621\01jal_2_01062021_12.jpg
===Caption===
गोंडगाव शिवारात बैलजोडीने शेती मशागतीचे काम करणारा शेतकरी.