भुसावळ येथे सेवाभावी संस्थेने सुशोभिकरणासाठी दत्तक घेतले सहा दुभाजक

भुसावळ येथे संस्कृती प्रतिष्ठानतर्फे सुशोभिकरणासाठी सहा दुभाजक दत्तक घेतले आहेत.

भुसावळ, जि.जळगाव : भुसावळ येथे संस्कृती प्रतिष्ठानतर्फे सुशोभिकरणासाठी सहा दुभाजक दत्तक घेतले आहेत. त्यांची देखभाल ही संस्था करणार आहे.शहर स्वच्छ व हरितमय करण्यासाठी महात्मा गांधी पुतळा ते जुने प्रांत कार्यालयाजवळील सहा दुभाजक दत्तक घेतले आहेत. रंंगरंगोटी व सजावटीसह दुभाजकांत फुलझाडे लावण्यासाठी पुढाकार घेऊन हा चौक सुशोभित करण्यास सुरुवात झाली आहे. इतर सेवाभावी संस्थांनीही आपापल्या परिसरात असे काम केल्यास शहर सुंदर व स्वच्छ होण्यास वेळ लागणार नाही, असे संस्थाध्यक्ष योगेश बागुल यांनी सांगितले.