फोटो
जळगाव : तालुक्यातील भादली येथील ४५ वर्षीय व्यक्तीने मध्यरात्री राहत्या घरात दोरीने गळफास घेऊन आत्महत्या केल्याची घटना गुरुवारी सकाळी उघडकीस आली आहे.
किशोर रमेश नारखेडे हे मजुरी करुन कुटुंबाचा उदरनिर्वाह करायचे. १२ मे रोजी रात्री ११ वाजता आईसोबत जेवण केले. त्यानंतर ते झोपले. आई सकाळी ६.३० वाजता उठल्यानंतर मुलाने गळफास घेतल्याचे उघड झाले. आत्महत्या करण्याचे नेमके कारण कळू शकले नाही. गावातील पोलीसपाटील ढाके यांनी तात्काळ नशिराबाद पोलिसांना घटनेची माहिती दिली. पोलिसांनी मृतदेहाचा पंचनामा करून जिल्हा शासकीय वैद्यकीय महाविद्यालयात मृतदेह आणण्यात आला. शवविच्छेदन करून मृतदेह नातेवाईकांच्या ताब्यात देण्यात आला आहे. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे.