वसंतराव नाईक जयंती, डॉक्टर्स डे आणि श्री शारदा महाविद्यालयाच्या वर्धापन दिनानिमित्ताने हे उपक्रम पार पडले. प्रारंभी मानव सेवा ईश्वर सेवा या व्हॉटस्ॲप ग्रुपचे मुख्य समन्वय सुरक्षितता अधिकारी मोहन सरदार यांनी ग्रुपच्या कोरोनाकाळातील सामाजिक कार्याचीही ओळख करून दिली.
मान्यवरांचे स्वागत ग्रुपचे क्रियाशील सदस्य मिलिंद खंडारे, भरत पाटील, नितीन सोनवणे, बाबा जावळे, रोषण वाघ, विजय वाघ, मोहन बार्हे, छगन पवार, हिरामण कांबळे, मनोहर तायडे, प्रफुल निकम यांनी केले. मुख्य अभियंता प्रकाश खंडारे यांच्या हस्ते ग्रुपच्या वतीने ७५००० रुपये खर्चून बसविण्यात आलेल्या आसन व्यवस्थेचे लोकार्पण करण्यात आले.
यावेळी वैद्यकीय अधीक्षक डॉ. प्रशांत जाधव, मानव संसाधनचे सहा. महाव्यवस्थापक नितीन घुले, वरिष्ठ व्यवस्थापक विराज कवटे, पर्यावरण विभाग प्रमुख विलास सोनवणे, जलविभागप्रमुख कल्पना बावा यांच्या हस्ते पिंपळ आणि वडाच्या रोपांचे रोपण करण्यात आले.
मान्यवरांनी मनोगत व्यक्त केले.