जळगाव : रोटरी क्‍लब ऑफ जळगाव गोल्डसिटीचा पदग्रहण सोहळा उत्साहात झाला. मावळते अध्यक्ष विनायक बाल्दी यांनी नूतन अध्यक्ष उमंग मेहता यांना तर सचिव सुनील आडवाणी यांनी डॉ. नीरज अग्रवाल यांना पदभार दिला.
सुनील आडवाणी यांनी वर्षभरातील कार्याचा अहवाल सादर केला. अध्यक्ष उमंग मेहता यांनी मनोगत व्यक्त करुन नूतन कार्यकारिणी घोषित केली. यावेळी सीए प्रीती मंडोरा संपादित क्‍लबच्या त्रैमासिकाचे व राकेश सोनी यांची संकल्पना असलेल्या रोटरी कार्डचे प्रकाशन करण्यात आले.
निखील चौधरी, डॉ. गजानन पाटील, स्वप्नील पलोड, राहुल कोटेचा, अनुप अग्रवाल, निखील रेदासनी, स्मिता पलोड, रचना पलोड या नवीन सदस्यांना प्रमाणपत्र प्रदान करण्यात आले. रोटरी वर्ष २०२०-२१ मध्ये उत्कृष्ट कार्य करणार्‍या माजी अध्यक्ष, पदाधिकारी व सदस्यांचा तसेच नूतन अध्यक्ष व सचिवांच्या कुटुंबीयांचा देखील सत्कार करण्यात आला.
रोटरी गोल्डसिटीने गरजूंच्या जीवनातील अंधार नाहीसा केला
गेल्या २२ वर्षात रोटरी क्‍लब ऑफ जळगाव गोल्डसिटीने छोट्या पणती प्रमाणे विविध प्रकल्प व उपक्रमांद्वारे गरजू व्यक्तीच्या जीवनातील अंधकार नाहीसा करुन त्यांचे जीवन प्रकाशमय करीत आपल्या कार्याचा ठसा उमटविला आहे, असे प्रतिपादन रोटरी इंटरनॅशनलचे माजी संचालक डॉ. भरत पंड्या यांनी प्रमुख वक्ते म्हणून मार्गदर्शन करताना केले.
प्रांतपालांच्या संदेशाचे वाचन सहप्रांतपाल विष्णू भंगाळे यांनी केले. अतिथींचा परिचय सतीश मंडोरा यांनी तर प्रा.ममता दहाड यांनी नवीन सदस्यांचा परिचय करुन दिला.