चोरीच्या ट्रकची खरेदी भोवली, जळगावातील आरोपी जाळ्यात

जळगावातील बडय़ा भंगार विक्रेत्याच्या बाजारपेठ पोलिसांच्या डीबी शाखेने मुसक्या आवळल्या.

भुसावळ, दि. 17-  चोरीच्या ट्रकची खरेदी केलेल्या प्रकरणी जळगावातील बडय़ा भंगार विक्रेत्याच्या बाजारपेठ पोलिसांच्या डीबी शाखेने मुसक्या आवळल्या. यासीन खान मासूम खान (45, भंगारवाला, मास्टर कॉलनी, जळगाव) असे अटकेतील आरोपीचे नाव आह़े बाजारपेठ पोलिसात दाखल असलेल्या ट्रक चोरीच्या गुन्ह्यात संशयित आरोपी अतुल आत्माराम देसले-पाटील (33, रा़मोरेश्वर नगर, भुसावळ, मूळ रा़कासारे, ता़साक्री) व योगेश राजू माळी (वय 27, अयोध्या नगर, भुसावळ) यांना अटक करण्यात आली होती़ आरोपींनी पोलीस कोठडीत जळगावच्या यासीन खानकडे भुसावळातून चोरलेला ट्रक विकल्याची कबुली दिली होती़धुळ्यातही विकल्या चोरीच्या ट्रकचोरीच्या गुन्ह्यातील आरोपींनी भुसावळसह जळगाव जामोद, अकोला, नवापूर, सेंधवा व ब:हाणपूर (मध्यप्रदेश) येथील ट्रका चोरल्याची कबुली दिली होती तर जळगावच्या यासीन खानसह धुळे येथील अफजल भंगारवाला यासदेखील चोरीच्या ट्रक विकल्याची कबुली दिली आह़े