जळगाव,दि.21 - केसीई सोसायटीच्या ओजस्विनी कला विभागातील एम.एफ.ए. विभागाची विद्यार्थीनी पूनम राणा यांच्या ‘मोहेंजोदडो’ या कलाकृतीला 57 व्या महाराष्ट्र राज्य कला प्रदर्शनात कलाकार विभागातून दुसरे पारितोषिक मिळाले. प्रदर्शन जहांगिर आर्ट गॅलरी, मुंबई येथे घेण्यात आले.
57 व्या महाराष्ट्र राज्य कला प्रदर्शनाचे मुंबई येथे आयोजन करण्यात आले होते. यात पूनम राणा यांनी ‘मोहेंजोदडो’ ही कलाकृती सादर केली होती. या कलाकृतीला कलाकार विभागातून द्वितीय पारितोषिक मिळाले. 10 हजार रुपये रोख रक्कम पारितोषिक स्वरुपात मिळाली. यासोबतच पूनम राणा यांची स्पेनमधील तीन महिन्यांच्या प्रशिक्षणासाठी निवड झाली आहे. त्यांच्यासोबत 16 देशांतील कलाकार असणार आहे. या यशाबद्दल संस्थेचे अध्यक्ष नंदकुमार बेंडाळे, मु.जे.चे प्राचार्य उदय कुलकर्णी, ओजस्विनीचे संचालक ए.डी.काटे यांनी पूनम राणा यांचा सत्कार केला.