जळगाव : ठाणे, मुंबई, भिवंडी, नाशिक या शहरांमधील चोरीच्या चारचाकी वाहनांची जिल्ह्यातील विविध गावांमध्ये एक ते दोन लाखांमध्ये विक्री करणार्या दोन संशयितांना सोमवारी अटक करण्यात आली. त्यात मेहरगाव, ता.अमळनेरचे पोलीस पाटील किशोर पिरन पाटील व त्याच्या चुलत भावाचा समावेश आहे. स्थानिक गुन्हा शाखेच्या पथकाने या कारवाईत दोघांकडून १५ चारचाकी वाहने जप्त केली आहेत. पोलिसांनी या टोळीतील मुंबई येथील म्होरक्याचा शोध सुरू केला आहे.
स्थानिक गुन्हा शाखेचे कर्मचारी बापूराव भोसले यांना किशोर पिरन पाटील हा चाळीसगावकडून भडगावकडे एक चोरीची चारचाकी नेत असल्याची गुप्त माहिती मिळाली. त्याआधारे निरीक्षक प्रभाकर रायते यांनी उपनिरीक्षक गिरधर निकम व सहकार्यांचे पथक तयार करीत कारवाईचे आदेश दिले. या पथकाने तांदलवाडी फाट्याजवळ सापळा लावून किशोर पाटील व त्याचा चुलत भाऊ भूषण भीमराव पाटील यांना ताब्यात घेतले. दोघांना पोलिसी खाक्या दाखविल्यानंतर ठाणे, मुंबई, भिवंडी, नाशिक येथील चोरीच्या वाहनांची अमळनेर, पारोळा, धरणगाव तालुक्यात विक्री केल्याची कबुली दिली. या पथकाने संध्याकाळपर्यंत विविध कंपन्यांच्या १५ चारचाकी जप्त केलेल्या आहेत.
ही वाहने ताब्यात
￭ नंबर एमएच १५ डीएम ८७४९, एमएच १५ डीएम ८५४९, एमएच 0४ एफजे ३४७२, एमएच 0४ डीजे २७९८, एमएच १५ डीएस ६४0३, एमएच 0४ डीएम ८११४, एमएच २८ व्ही २७८३, एमएच 0३ डीजे ७९३, एमएच 0४ एफएक्स ३७५८, एमएच 0४ ईडब्ल्यू ५६२३, एमएच 0४ ईडी २४३३, एमएच 0६ एएफ ३८0९ आणि एमएच १५ डीएम ३४0६ असे आहेत.