महिंदळे, ता. भडगाव : प्रताप माध्यमिक विद्यालय वडगाव बुद्रूक येथे वटपौर्णिमेचे निमित्त साधून भडगाव सभापती डॉ. अर्चना पाटील यांच्या हस्ते वटवृक्षांची लागवड करण्यात आली.
वटपौर्णिमेनिमित्त भडगाव सभापती यांनी प्रताप माध्यमिक विद्यालयात १० वटवृक्षांची रोपे व १५ इतर वृक्षांची रोपे दिली. रोपांची केवळ लागवड न करता त्यांचे संगोपनही गरजेचे आहे, असा सल्लाही दिला.
या वेळी सरपंच अजय गायकवाड, उपसरपंच सविता पाटील, सदस्य ऊर्मिला माळी, शारदा माळी, ललिता पाटील, कल्पना वाघ, वडगाव खु. सरपंच विजयसिंग पाटील आदींचा सत्कार या वेळी करण्यात आला. मुख्याध्यापक पी.एल. पाटील यांनी केला. तसेच विद्यालयातील शिक्षक रणजीत सोनवणे यांच्या स्वलिखित पुस्तकाचे प्रकाशन झाले व वसतिगृह कर्मचारी देविदास शिंदे यांनी वृक्षाचे संगोपन चांगले केल्याबद्दल त्यांचा सत्कार सभापती अर्चना पाटील यांनी केला.
याप्रसंगी माजी मुख्याध्यापक एस.के. राठी यांनी आपले विचार मांडले, तर प्रास्ताविक विद्यालयाचे मुख्याध्यापक पी.एल. पाटील यांनी केले.