पाळधी : येथे गावठी दारू अड्ड्यावर पहूर पोलिसांची धाड

पाळधी, ता.जामनेर : येथून जवळ असलेल्या जळगाव रस्त्यावरील एका हॉटेलमागील धरणांमध्ये गावठी दारू अड्ड्यावर शनिवारी सकाळी पोलिसांनी धाड टाकून एकाला रंगेहात पकडले . तसेच कच्चा रसायन साठा व गावठी दारू जप्त करण्यात आली.पहुर पोलीस स्टेशनमध्ये नव्याने रुजू झालेले सहाय्यक पोलीस निरीक्षक राकेशसिंग परदेशी यांनी पदभार स्वीकारताच २१ रोजी सकाळी पाळधीजवळ हात भट्टी अड्ड्यावर धाड टाकून विकास छाडेकर याला रंगेहात पकडले. ३५ लीटर हातभट्टीसह २०० लीयर कच्चे रसायन असा एकूण सहा हजार रुपयांचा माल पकडला. या पथकातील सहाय्यक पोलीस निरीक्षक राकेशसिंग परदेशी, पोलीस कॉन्स्टेबल जितेंद्र परदेशी, किरण शिंपी, ईश्वर देशमुख, अनिल देवरे, ओमकार राजू देशमुख यांनी ही धडक कारवाई केली.या कारवाईमुळे अवैध धंदे करणाऱ्यांमध्ये खळबळ उडाली आहे. नवनिर्वाचित सहय्यक पोलीस निरीक्षक राकेश सिंग परदेशी यांच्याशी संपर्क साधला असता अवैध धंद्यांविरोधात कडक कावरवाई करण्यात येईल, जनतेनेदेखील गावात किंवा परिसरामध्ये अवैध धंदे सुरू असल्याचे आढळल्यास संपर्क साधावा, असे त्यांनी सांगितले.