जळगाव : राष्ट्रवादी काँग्रेसच्या ग्रामीण जिल्हाध्यक्षपदी वंदना चौधरी यांची नियुक्ती करण्यात आली असल्याची माहिती राष्ट्रवादीचे जिल्हाध्यक्ष रवींद्र पाटील यांनी शुक्रवारी पत्रकार परिषदेत दिली. दरम्यान, चौधरी यांनी ग्रामीण नेते, आजी- माजी पदाधिकारी यांच्या मदतीने चांगली कार्यकारिणी देत जिल्ह्यात राष्ट्रवादी महिला संघटना मजबूत कशी होईल, यादृष्टीने प्रयत्न करणे गरजेचे असल्याचे प्रतिपादन पाटील यांनी केले.
वंदना चौधरी यांनी बुलढाणा जिल्हा येथे निरीक्षकपदी काम केलेले असून त्यांचा अनुभव पाहता त्या अधिक चांगले काम करतील. वंदना चौधरी यांना ग्रामीण भागाचा दौरा करत असताना आपले सहकार्य राहील, अशी ग्वाही पाटील यांनी दिली.
दोन वर्षांपासून प्रदेश सचिव पदावर कार्यरत असून बुलढाणा जिल्ह्याच्या निरीक्षकपदी काम पाहिले आहे. त्या अनुभवातून जिल्हाध्यक्ष पदाला न्याय देता येईल. याकडे माझा कल राहणार असल्याचे वंदना चौधरी यांनी पत्रकारांशी बोलताना सांगितले. दरम्यान, चौधरी यांनी शुक्रवारी ग्रामीण जिल्हाध्यक्षपदाचा कार्यभार स्वीकारला. त्यामुळे जिल्हाध्यक्ष रवींद्र पाटील यांच्या हस्ते त्यांचा सत्कार करण्यात आला. याप्रसंगी अशोक लाडवंजारी, अशोक पाटील, सलीम इनामदर, दिलीप माहेश्वरी, किरण राजपूत, शकीला तडवी, मंगला पाटील, अर्चना कदम आदी उपस्थित होते.