छोटू जडे यांना राष्ट्रीय शिल्प गुरू अवॉर्ड

या वर्षाचा राष्ट्रीय शिल्प गुरू पुरस्कार पारोळा येथील रहिवासी छोटू मुरलीधर जडे यांना जाहीर झाला आहे.

पारोळा : केंद्र शासनाच्या वस्त्रोद्योग मंत्रालयातर्फे (हस्तशिल्प विभाग) देण्यात येणारा 2014-15 या वर्षाचा राष्ट्रीय शिल्प गुरू पुरस्कार पारोळा येथील रहिवासी छोटू मुरलीधर जडे यांना जाहीर झाला आहे.

एक लाख रुपये रोख, ताम्रपत्र आणि विशेष गौरवपत्र असे या पुरस्काराचे स्वरूप आहे. 9 डिसेंबर रोजी नवी दिल्ली येथील विज्ञान भवनात राष्ट्रपती प्रणव मुखर्जी यांच्या हस्ते पारितोषिक वितरण होणार आहे. या पुरस्कारासाठी महाराष्ट्रातून फक्त छोटू जडे यांचीच निवड झालेली आहे.