जळगाव : खोलीच्या बाहेर जाऊन आईशी फोनवर बोलत असतानाच पवन काळूसिंग पाटील (२०) या तरुणाचा आतमध्ये चार्जिंगला लावलेला लॅपटॉप लंपास केल्याची घटना २१ मार्च रोजी रामदास कॉलनीत घडली. या प्रकरणी शनिवारी रामानंदनगर पोलीस ठाण्यात गुन्हा दाखल केला आहे.
पवन हा शिक्षण घेत असून तो रामदास कॉलनी मध्ये रूम वर भाड्याने राहतो. २१ मार्चला रात्री साडे नऊ वाजेच्या सुमारास पवनला आईचा फोन आला. तो आईसोबत बोलण्यासाठी रूमचा दरवाजा ढकलून तो बाहेर गेला. रूमचा दरवाजा उघडा लक्षात आल्याने त्याने मित्र रोशन याला फोन करून रूम मध्ये लॅपटॉप चार्जिंगला लावला आहे तिकडे लक्ष असू दे सांगितले. रोशनने बघितले असता लॅपटॉप दिसून आला नाही. तपास उषा सोनवणे करीत आहे.