अमळनेर : माजी आमदार शिरीष चौधरी मित्रपरिवारच्या अनेक सहकाऱ्यांनी राज्यमंत्री बच्चू कडू यांच्या उपस्थितीत अनिल चौधरी यांच्या नेतृत्वात प्रहार जनशक्ती पक्षात प्रवेश केला.
मुंबई येथे प्रहार जनशक्ती पक्षाचे संस्थापक अध्यक्ष बच्चू कडू यांच्या उपस्थितीत पक्षाचे प्रदेशाध्यक्ष अनिल गावंडे, उत्तर महाराष्ट्र अध्यक्ष अनिल चौधरी यांच्या सहकार्याने अमळनेर येथील माजी नगरसेवक तथा शिवसेनेचे माजी तालुका प्रमुख गुलाब पाटील यांच्यासह प्रमुख नेते, पदाधिकारी व कार्यकर्त्यांनी प्रहार जनशक्ती पक्षात प्रवेश केला.
या प्रसंगी माजी आमदार शिरीष चौधरी मित्रपरिवार अध्यक्ष उपसरपंच रवींद्र पाटील, देवा ग्रुप शहराध्यक्ष दिनेश पाटील, छावा संघटना उत्तर महाराष्ट्र प्रमुख हिरामण पाटील, माजी सरपंच वावडे डॉ. दत्तात्रय ठाकरे, माजी उपसरपंच मुडी प्र डांगरी अरुण पाटील, ग्रामपंचायत सदस्य विश्वास पाटील, शिवसेना विभाग प्रमुख जवखेडा भिकन पाटील, गोकूळ कोळी, समाधान पाटील, किशोर पाटील, छत्रपती सेना जळगाव जिल्हाध्यक्ष चिन्मय पाटील, ग्रामपंचायत सदस्य लोण खुर्द बापूराव पाटील, प्रवीण पाटील आदींंनी प्रहारमध्ये प्रवेश केला.