ऑनलाईन लोकमत
जळगाव,दि.16 : गेल्या वर्षी जुलै महिन्यात राष्ट्रीय महामार्गावरील जैन फुडस् या कंपनीसमोर ट्रकने दुचाकीला धडक दिली होती़ या अपघातानंतर घटनास्थळी जमलेल्या गर्दीचा फायदा घेत दोघा तरूणांनी अपघातग्रस्त दुचाकी पळविली होती़ तालुका पोलीस ठाण्यात दाखल गुन्ह्यात फरार दुस:या क्रमाकांचा आरोपी निवृत्ती उर्फ गोपाल गजानन सोनवणे रा़ खेडी कढोली़ ता एरंडोल यास एमआयडीसी पोलिसांच्या पथकाने बुधवारी तासाभराच्या सिनेस्टाईल पाठलागानंतर चोरीच्या दुचाकीसह ताब्यात घेतले आह़े
विनोद बनवारीलाल जांगीड रा़ जळगाव हा तरूण व त्याचा मित्र दुचाकीवरून (एम़एच़19 सी़ए़ 4767) वरून जळगावहून पाळधीकडे जात होत़े यादरम्यान त्याच्या दुचाकीला पाळधीकडून जळगावकडे येत असलेल्या ट्रकने धडक दिली़ यात विनोद जखमी झाला होता़ घटनास्थळी गर्दीचा फायदा घेत विनोदची रस्त्यालगत पडलेली दुचाकी घेवून दोघांनी पोबारा केला होता़ 23 जुलै 2016 रोजी घडलेल्या घटनेप्रकरणी विनोदचे वडील बनवारीलाल जेठमल जांगीड यांच्या फिर्यादीवरून तालुका पोलीस ठाण्यात गुन्हा दाखल करण्यात आला होता़ याप्रकरणी पोलीस कर्मचारी संजय चौधरी यात सहा दिवसानंतर 29 जुलै रोजी शंभू बनवारीलाल सैनी, यास अटक केली होती़