ऑनलाईन लोकमत
चोपडा,जि.जळगाव, दि.27 - बोरअजंटी (ता.चोपडा) येथील शिवदास भिका कोळी (वय 28) व भारती रोहिदास कोळी (वय 21) या विवाहित तरुण व तरुणीने एकाच दोराला बांधून गळफास घेतल्याची घटना 27 रोजी सकाळी उघड झाली. दोघे एकाच घरात राहत असून त्यांच्यात जेठ व भावजयी असे नाते होते.
याबाबत प्राप्त वृत्त असे की 27 रोजी पहाटे बोरअजंटी गावाबाहेर नवाड शेतीच्या बांधावर असलेल्या निंबाच्या झाडाला एकाच दोराच्या दोन्ही टोकाचा वापर करून तरुण व तरुणीेने गळफास घेतल्याची बाब उघड झाली. मयत भारती रोहिदास कोळी व तिचा जेठ शिवदास भिका कोळी यांनी आत्महत्या केल्याचे उघड झाल्यानंतर ग्रामस्थ व नातेवाईकांनी घटनास्थळी धाव घेतली.
या घटनेची माहिती मिळाल्यानंतर पोलीस उपअधीक्षक सदाशिव वाघमारे , सहायक पोलिस निरीक्षक के. एस. पावरा, फौजदार रमाकांत ठाकूर व पो कॉ प्रदीप राजपूत घटनास्थळी पोहचले .पंचनामा करून दोघांचे शव उपजिल्हा रूग्णालयात पाठविण्यात आले आहे. दोघांनी गळफास कोणत्या कारणासाठी घेतला हे स्पष्ट झालेले नाही.