जळगाव : जेसीआय जळगाव डायमंड सिटीतर्फे ट्रेनिंग डे उत्साहात साजरा करण्यात आला. या वेळी चंद्रपूरच्या ट्रेनर श्वेता जयस्वाल यांनी संपूर्ण संस्थेचे पदाधिकारी व सदस्यांना मार्गदर्शन केले. नेव्हर गिव्ह अप, तसेच ‘जीना इसी का नाम है’ या दोन विषयांवर त्यांनी मार्गदर्शन केले. जेसीआयचे झोन व्हाइस प्रेसिडेंट राहुल पवार यांनीही मार्गदर्शन केले. सूत्रसंचालन झोन अधिकारी जीनल जैन यांनी केले. तर आभार सचिव सुवर्णा चौधरी यांनी मानले. यशस्वितेसाठी सुशील अग्रवाल, फिरोज शेख, विशाल शर्मा, कुलदीप बुवा, कमलेश अग्रवाल, प्रशांत पारिक, पीयूष गुजराथी, ललित नेमाडे आदींनी परिश्रम घेतले.
============
जेसीआयतर्फे जलसेवा
लोकमत न्यूज नेटवर्क
जळगाव : जेसीआय जळगाव व गुजरात स्वीट मार्ट यांच्या वतीने गोलाणी मार्केट येथील दुसऱ्या मजल्यावर मोफत जलसेवा सुविधा सुरू करण्यात आली आहे. या उपक्रमाप्रसंगी जीआयचे अध्यक्ष अजय चौधरी, शरद मोरे, वरुण जैन, प्रतीक शेठ, प्रमोद मेहलोत आदींची उपस्थिती होती.
=============
नेहरू यांची पुण्यतिथी साजरी
लोकमत न्यूज नेटवर्क
जळगाव : रिपब्लिकन पार्टी ऑफ इंडियाच्या वतीने गुरुवारी माजी पंतप्रधान पंडित जवाहरलाल नेहरू यांची पुण्यतिथी साजरी करण्यात आली. हा कार्यक्रम नेहरू चौकात पार पडला. कार्यक्रमासाठी जे.डी. भालेराव, दिनेशे सोहे, रवींद्र जाधव, किरण सुरवाडे, नरेंद्र सपकाळे, चंद्रकांत अहिरे आदींची उपस्थिती होती.
==============
जिल्हाध्यक्षपदी जगदीश सोनवणे
लोकमत न्यूज नेटवर्क
जळगाव : आदिवासी कोळी महासंघ महाराष्ट्र राज्य कर्मचारी संघटनेच्या पश्चिम जिल्हाध्यक्षपदी जगदीश ज्ञानेश्वर सोनवणे यांची निवड करण्यात आली आहे. निवड झाल्याबद्दल गणेश सोनवणे, भास्कर कोलटके, मंगल कांडेलकर, प्रशांत तराळे, प्रल्हाद सोनवणे, दीपक सोनवणे, संजय कांडेलकर आदींनी अभिनंदन केले आहे.