जळगाव जनता सहकारी बँकेचा वर्धापन दिन उत्साहात

जळगाव : जळगाव जनता सहकारी बँकेचा वर्धापन दिन उत्साहात साजरा करण्यात आला. याप्रसंगी बँकेच्या बचत गटांच्या माहितीचा समावेश असलेल्या वेब पेजचे उद्घाटन बँकेच्या बचत गटांच्या स्थापनेपासून बँकेसोबत असलेल्या मरिआई महिला बचत गटाच्या सदस्यांच्या हस्ते झाले. राष्ट्रीय कृषी व ग्रामीण विकास बँकेचे (नाबार्ड) डी.डी.एम. श्रीकांत झांबरे, केशवस्मृती प्रतिष्ठानचे सचिव रत्नाकर पाटील, बँकेचे संचालक सतीश मदाने, कृष्णा कामठे, संचालिका डॉ. आरती हुजूरबाजार, सावित्री सोळुंखे, माजी संचालिका शोभा पाटील, मुख्य कार्यकारी अधिकारी पुंडलिक पाटील उपस्थित होते. उपस्थितांनी मार्गदर्शन केले. जास्तीत जास्त नागरिकांनी महिला बचत गटाच्या वेब पेजला भेट द्यावी, असे आवाहन जळगाव जनता सहकारी बँकेच्यावतीने करण्यात आले आहे. प्रास्ताविक बचत गट विभाग प्रमुख प्रियंका झोपे यांनी केले.