ऑनलाईन लोकमत
जळगाव, दि. 22 - आपल्यावर पोलिसांनी कारवाई करु नये यासाठी शहर पोलीस स्टेशनच्या गुन्हे शोध पथकाच्या कर्मचा:यांना तीन हजार रुपये दिले, तरीही सीआरपीसी 110 प्रमाणे प्रतिबंधात्मक कारवाई केल्याने अजीज रशिद पठाण (वय 22, रा. गेंदालाल मील, जळगाव) या रेकॉर्डवरील गुन्हेगाराने पोलीस ठाण्यातच संताप व्यक्त करुन भींतीवर डोके आपटले. हा प्रकार पाहून पोलिसांमध्येही धडकी भरल्याची माहिती सूत्रांनी दिली. दरम्यान, पैसे मागितल्याच्या आरोपाचा पोलिसांनी इन्कार केला आहे. ही घटना सोमवारी दुपारी साडे बारा वाजता घडली.