सावदा : हॉटेल मनालीमध्ये रात्री चोरट्यांनी डल्ला मारून दारू व बियरचे बॉक्सेस आणि बाटल्या चोरून नेल्याची घटना घडली.
याबाबत वृत्त असे की, सावदा येथे महामार्गाला लागूनच मनाली हॉटेलच्या उत्तरेच्या बाजूस असणाऱ्या खिडकीला तोडून चोरट्यांनी आत प्रवेश मिळविला. यानंतर येथून हॉटेलमधील दारू आणि बियरचे संपूर्ण बॉक्सेस आणि बाटल्या चोरट्यांनी चोरून नेल्या.
शनिवारी पहाटे ही घटना उघडकीस आल्याने खळबळ उडाली. चोरीची माहिती मिळताच सावदा पोलिसांनी घटनास्थळी धाव घेऊन पंचनामा करून तपासाला प्रारंभ केला आहे . याबाबत गुन्हा नोंदविण्याची प्रक्रिया सुरू करण्यात आली आहे. दरम्यान, यात काही लाख रुपयांची दारू व बियर चोरून नेल्याचा प्राथमिक अंदाज आहे .उशिरापर्यंत गुन्हा दाखल करण्याचे काम सुरू होते.