चाळीसगाव तालुक्यात बिबटय़ाच्या हल्ल्यात घोडा ठार

अलवाडी गावाजवळची घटना : वनविभागाकडून टेहळणी

ठळक मुद्देभडगाव तालुक्यातील वाडे येथील तिखी बर्डी पिरवाडी शिवारात 20 रोजी रात्री साडेनऊच्या सुमारास बिबटय़ाने दर्शन दिले. वाडे येथील तिखी बर्डी पिरवाडी शिवारात राजू बाबूराव माळी यांच्या शेतालगत पाझर तलाव आहे. या पाझर तलावात टाकलेले मासे सांभाळणारे हिलाल तावडे, शांताराम माळी यांना बंधा:याच्या भिंतीवरून अंधारातून बिबटय़ा जाताना दिसला. या दोघांची घाबरगुंडी होत त्यांनी आरडओरड केलबॅटरीचा उजेड सोडला. मात्र बिबटय़ा हा शांतपणे चालत होता. अखेर हिलाल तावडे शांताराम माळी यांनी घाबरल्या स्थितीत मोटारसायकलने घरचा रस्ता धरला, अशी माहिती हिलाल तावडे यांनी दिली. पिरवाडी परिसरात तिखीबर्डी वस्ती आहे. त्यात शेतांमध्ये शेतकरी, मजुरांमध्ये भीतीचे

ऑनलाईन लोकमत चाळीसगाव, जि.जळगाव, दि.21 : अलवाडी गावाजवळ माळरानावर मेंढय़ांच्या कळपाशेजारी बांधलेल्या घोडय़ावर मंगळवारी पहाटे बिबटय़ाने हल्ला केला. यात घोडा ठार झाला. दुपारी वनविभागाने या परिसरात ड्रोन कॅमे:याव्दारे बिबटय़ाचा शोध घेतला. मात्र नेहमीप्रमाणेच तो अदृश्य झाला. दरम्यान, भडगाव तालुक्यातील वाडे येथे बिबटय़ा दिसल्याने नागरिकांमध्ये भीतीचे वातावरण आहे. अलवाडी गावाजवळ बाबूलाल धनगर यांचा मेंढय़ांचा कळप आहे. गावापासून हे अंतर अवघे अर्धा किलोमीटर आहे. मंगळवारी पहाटे एक वाजता बिबटय़ाने घोडय़ावर हल्ला करीत त्याच्या मानेचा चावा घेतला. हल्ला होताच घोडा दोर तोडून दोन किलोमीटर अंतरापयर्र्त पळाला. बिबटय़ाने पुन्हा त्याच्यावर झडप घालत त्याला ठार केले. यानंतर त्याने घोडय़ाच्या मानेचे आणि पोटाच्या भागाचे लचके तोडले. सकाळी बाबूलाल धनगर यांना आपला घोडा मृत स्थितीत आढळला. चाळीसगाव प्रादेशिक वनविभागाचे संजय मोरे यांनी भेट देऊन पाहणी केली. यानंतर पंचनामा करण्यात आला. वनविभागाने दुपारपयर्ंत याच परिसरात शोधमोहीम राबवली. दरम्यान, बिबटय़ाने घोडय़ाला ठार केल्याने अलवाडी परिसरात नागरिकांमध्ये भीती पसरली. या भागातही पिंजरे लावून वनगस्त सुरु करावी, अशी मागणी नागरिकांनी केली आहे.