जळगाव,दि.21 - विधी आयोगाने अॅडव्होकेट अॅक्ट 2017 च्या प्रस्तावित बिलाची जळगाव जिल्हा सत्र न्यायालय व अमळनेर येथे शुक्रवारी दुपारी होळी करण्यात आली.
जळगाव जिल्हा न्यायालय परिसरात जिल्हा वकील संघाचे अध्यक्ष अॅड.लक्ष्मण वाणी यांनी बिलाच्या प्रतिकात्मक कागदपत्रांची होळी करून हे बिल वकिलांसाठी अन्यायकारक असल्याचे सांगितले. यावेळी संघाचे कोषाध्यक्ष अॅड.राहुल झंवर, अॅड.व्ही.एच.पाटील, अॅड.विजय काबरा, अॅड.टी.आर.पाटील, अॅड.संग्राम पाटील, अॅड.अशोक महाजन यांच्यासह वकील बांधव उपस्थित होते.
अमळनेर वकील संघातर्फे होळी
अमळनेर वकील संघातर्फे दुपारी सव्वा दोन वाजेच्या सुमारास बिलाच्या प्रतिकात्मक कागदपत्राची होळी करण्यात आली. त्यानंतर वकिल बांधवांनी पायी मोर्चा काढत प्रांताधिकारी कार्यालयात निवेदन दिले. यावेळी अध्यक्ष प्रदीप भट, सचिव सलीम खान, रियाझ काझी, उपाध्यक्ष प्रशांत बडगुजर, दिनेश पाटील, रमाकांत माळी, विवेक चौधरी यांच्यासह वकील बांधव उपस्थित होते.