ऑनलाईन लोकमत
भुसावळ,दि.29 - वांजोळा रोडवरील राजस्थान मार्बलकडून अंडय़ाने भरलेली अॅपे रिक्षा रस्त्यावर येत असताना गुरुवारी दुपारी साडेतीन वाजता जळगावकडून मुक्ताईनगरकडे जाणारी चारचाकी आदळून झालेल्या अपघातात दोन्ही वाहनांच्या चालकासह एक जण जखमी झाला़
अॅपे रिक्षातील चालकाशेजारी बसलेल्या प्रवाशाची प्रकृती गंभीर असून त्याचा पाय फ्रॅक्चर झाल्याची माहिती घटनास्थळावरून मिळाली़ अपघातानंतर काही वेळ वाहतूक ठप्प झाली़
अंडय़ाने भरलेली अॅपे रिक्षा (एम़एच़19 बी़एम़4081) ही राजस्थान मार्बलमागील अंडय़ाच्या गोदामातून अंडे घेऊन कासोद्याकडे जाण्यासाठी रस्त्यावर येत असताना जळगावकडून मुक्ताईनगरकडे जाणारी चारचाकी (एम़एच़19 बी़ओ़0755) धडकल्याने अॅपे रिक्षातील चालक अब्दुल वसमी अ़मुसद्दीक (भुसावळ) हा किरकोळ जखमी झाला. तर त्याच्या सोबतचा इरफान खान सुभान खान (खडका, ता़भुसावळ) हा गंभीर जखमी झाला़ इरफानच्या एका पायास गंभीर दुखापत झाल्याचे सांगण्यात आले. तर चारचाकी चालक मारू भिका चव्हाण (मुक्ताईनगर) हा किरकोळ जखमी झाला़ अपघातानंतर बाजारपेठ पोलीस ठाण्याचे साहाय्यक निरीक्षक मनोज पवार व सहका:यांनी घटनास्थळी धाव घेत वाहतूक सुरळीत केली.