ठळक मुद्देतलाठय़ांचे लॅपटॉप जळून खाकआग लावल्याचा संशयधरणगाव पोलीस ठाण्यात नोंद
ऑनलाईन लोकमत
धरणगाव, जि. जळगाव, दि. 22 - धरणगाव शहरातील बसस्थानकासमोर असलेल्या जुन्या पं.स. इमारतीमधील शहर तलाठी कार्यालयात शनिवारी रात्री अचानक आग लागून सर्व कागदपत्रे तसेच तलाठय़ांचे लॅपटॉप जळून खाक झाले. या ठिकाणी शॉर्टसर्कीट झाले नसून ही आग कोणीतरी लावली असावी असा अंदाज वर्तविला जात आहे. घटनास्थळी पंचनामा करण्यात आला असून कागदपत्रे बाहेर काढण्यात आले. मात्र ते पूर्णपणे नष्ट झाले आहे. या प्रकरणी तलाठी एस.एच. मोरे यांच्या माहितीवरून धरणगाव पोलीस ठाण्यात नोंद करण्यात आली आहे.