पाण्यासाठी उतरलेल्या प्रवाशाचा रेल्वेखाली अंत

पाण्यासाठी रेल्वेतून उतरलेल्या प्रवाशाचा रेल्वेखाली सापडून करुण अंत झाल्याची घटना शनिवारी मध्यरात्रीनंतर भुसावळ रेल्वे स्थानकावर घडली.

जळगाव : पाण्यासाठी रेल्वेतून उतरलेल्या प्रवाशाचा रेल्वेखाली सापडून करुण अंत झाल्याची घटना शनिवारी मध्यरात्रीनंतर भुसावळ रेल्वे स्थानकावर घडली.नागपूर-मुंबई १२२९० दुरांतो एक्स्प्रेस शनिवारी मध्यरात्री २च्या सुमारास भुसावळ रेल्वे स्थानकात फलाट क्रमांक ३वर थांबली होती. या वेळी एस-८ क्रमांकाच्या बोगीतील मोहम्मद बद्रुद्दीन मोहम्मद सुलेमानी (६५) हे पाणी आणण्यासाठी खाली उतरले होते. पुन्हा डब्याकडे परतत असतानाच सुरू झालेली गाडी पकडण्याच्या प्रयत्नात सुलेमानी हात निसटून खाली पडले आणि फलाट व रेल्वेमध्ये अडकले. डोक्याला जबर मार लागल्याने त्यांचा जागीच मृत्यू झाला.