जळगाव : भाजपच्या म्हसावद-बोरनार जिल्हा परिषदेच्या गटप्रमुखपदी वडली, ता.जळगाव येथील माजी उपसरपंच रामचंद्र धनजी पाटील यांची निवड झाली आहे. तालुकाध्यक्ष गोपाळ भंगाळे व सरचिटणीस अरुण सपकाळे यांनी ही निवड केली आहे. या गटात पक्ष संघटन मजबूत करण्याची जबाबदारी त्यांच्यावर सोपविण्यात आली आहे.
ॲट्राॅसिटीचा गुन्हा दाखल करा
जळगाव : नेरी नाकाजवळील दफनभूमीजवळील अतिक्रमण काढण्यासाठी उपोषण व आत्मदहन आंदोलन केले होते; मात्र मनपा प्रशासनाने कारवाईचे आश्वासन दिल्याने हे आत्मदहन मागे घेतले, असे असताना बबल्या नामक व्यक्तीने महिलांना पुढे करुन आपल्यावर ५० हजार रुपये घेतल्याचा आरोप केला आहे, त्यामुळे आपली सार्वजनिक बदनामी झाली म्हणून बबल्या नामक व्यक्तीविरुध्द ॲट्राॅसिटीचा गुन्हा दाखल करण्यात यावा अशी मागणी एकलव्य आदिवासी क्रांतीदलाचे प्रदेश सचिव अरुण सीताराम मोरे यांनी शनीपेठ पोलीस निरीक्षकांकडे केली आहे.