जळगाव : भाजपने बंडखोरी करणाऱ्या २७ नगरसेवकांविरोधात दाखल केलेल्या अपात्रतेच्या याचिकेवर बंडखोर नगरसेवक २३ जुलै रोजी आपली बाजू विभागीय आयुक्तांकडे मांडणार आहेत. २७ नगरसेवकांनी यासाठी वकिलाची नियुक्तीदेखील केली असून, वकिलांमार्फत नगरसेवक आपला खुलासा सादर करणार आहेत.
मौलाना आझाद अल्पसंख्याक फाऊंडेशनतर्फे वृक्षारोपण
जळगाव : मौलाना आझाद अल्पसंख्याक फाऊंडेशनतर्फे विविध ठिकाणी १५० वृक्षारोपण करण्यात आले. पोलीस निरीक्षक संतोष सोनवणे व भारतीय छप्परबंद समाज सुधारक मंडळचे संस्थापक उपाध्यक्ष अजमल शाह यांच्या हस्ते वृक्षारोपण करण्यात आले. प्रमुख पाहुणे म्हणून विभागीय वन अधिकारी एस.वाय. शेख, अमन रोटरी फाऊंडेशनचे डॉ. शरीफ शेख, भगीरथ शाळेचे शिक्षक नागेश सोनार, सहायक पोलीस निरीक्षक भरत चौधरी, फाऊंडेशन सदस्य मोनाली कुमावत, गणेश जोशी, किरण मोरे, संस्थेचे संस्थापक अध्यक्ष फिरोज शेख आदी उपस्थित होते.
सभापतींचे फेसबुकवर बनावट अकाऊंट
जळगाव : मनपा स्थायी समिती सभापती राजेंद्र घुगे-पाटील यांच्या नावाने फेसबुकवर बनावट अकाऊंट तयार करण्यात आले असून, याबाबत घुगे-पाटील यांनी जिल्हा पोलीस अधीक्षकांकडे तक्रार केली आहे. तसेच याबाबत कारवाई करण्याची मागणीदेखील त्यांनी केली आहे.