जळगाव : शहर महापालिका आणि केंद्र शासनाच्या अमृत हरित क्षेत्र विकास कार्यक्रमांतर्गत रायसोनी नगरात उभारण्यात आलेल्या स्व. अटल बिहारी वाजपेयी उपवन उद्यानाचा लोकार्पण सोहळा शुक्रवारी सायंकाळी उशिराने पार पडला. या उद्यानाचे लोकार्पण पालकमंत्री गुलाबराव पाटील यांच्या हस्ते करण्यात आले.
११०० चौरस मीटर जागेत हे उद्यान उभारण्यात आले. त्यात पक्ष्यांची संख्या वाढावी, यासाठी वृक्ष लागवड करण्यात आली आहे. तसेच जॉगिंग ट्रॅक, लॉन उभारण्यात आले आहे. नगरसेविका ज्योती चव्हाण आणि प्रभाग अधिकारी बाळासाहेब चव्हाण यांनी यासाठी पाठपुरावा केला.
यावेळी माजी मंत्री गिरीष महाजन, खासदार उन्मेश पाटील, आमदार सुरेश भोळे, महापौर जयश्री महाजन, आयुक्त सतीश कुलकर्णी, उपमहापौर कुलभूषण पाटील, माजी महापौर सदाशिव ढेकळे, नितीन लढ्ढा, सीमा भोळे, मनपा स्थायी समिती सभापती राजेंद्र घुगे-पाटील, विरोधी पक्षनेते सुनील महाजन, नगरसेविका सुरेखा तायडे, अंजना सोनवणे, गायत्री राणे, ॲड. शुचिता हाडा, दीपमाला काळे, नगरसेवक जितेंद्र मराठे, नितीन बरडे, विक्रांत सोनवणे, वीरेंद्र खडके, शहर अभियंता अरविंद भोसले, शाखा अभियंता चंद्रकांत सोनगिरे उपस्थित होेते.