जळगाव - अजिंठा चौफुलीजवळ रविवारी कंटेनरच्या धडकेत दुचाकीवरील तरूण ठार झाला होता. या प्रकरणात गुलशन श्रीचंद्राभान चव्हाण (वय २६, रा. करवा, ता. जलालपुर, जि. बांबेडकरनगर, उत्तरप्रदेश) या कंटेनर चालकाला अटक करण्यात आली आहे. याबाबत एमआयडीसी पोलीस ठाण्यात गुन्हा दाखल करण्यात आला आहे.
गृहकलहातून मित्राची पत्नी माहेरी निघून गेली हाेती. त्यांच्या संसाराची विस्कटलेली घडी पुन्हा बसवण्याचे स्वप्न उराशी बाळगून दुचाकीने मित्राच्या साेबतीने निघालेल्या समाधान श्रीराम चंदन या तरुणाचा १७ जानेवारी रोजी अजिंठा चौफुली परिसरात कंटेनरच्या धडकेत मृत्यू झाला आहे. तर याच अपघातात त्याचा मित्र धवल अंबादास बच्छाव हा गंभीर जखमी आहे. दरम्यान, या अपघातानंतर संतप्त नागरीकांनी महामार्गावर रास्तारोको केला. यावेळी कंटेनरचालक घटनास्थळावरुन पळुन गेला होता. दरम्यान, एमआयडीसी पोलिसांनी त्याला मंगळवारी नशिराबाद येथुन अटक केली.