जळगाव,दि.20- पदाधिकारी व पुरेसे कार्यकर्ते नसल्याने काँग्रेसचे सरचिटणीस तथा ओबीसी विभागाचे समन्वयक कल्याण दळे यांनी काँग्रेस भवनातील दुस:या मजल्यावरील सभागृहात बैठक टाळत जिल्हाध्यक्षांच्या दालनानजीकच्या एसी (वातानुकूलित) दालनामध्येच उपस्थित पदाधिका:यांशी संवाद साधला.
दुपारी 1 वाजता दळे यांची बैठक निश्चित केली होती. पण दळे हे दुपारी 1.35 च्या सुमारास आले. दळे यांनी सभागृहात बैठक घेऊ, अशी सूचना केली. पण पुरेसे कार्यकर्ते पदाधिकारी नसल्याने ही बैठक सभागृहात घेण्यास काही उपस्थित पदाधिका:यांनी नकार दिला. अखेर जिल्हाध्यक्ष यांच्या दालनानजीकच्या एका वातानुकूलित दालनामध्येच दळे यांनी संवाद साधला. या वेळी महानगर जिल्हाध्यक्ष डॉ.ए.जी.भंगाळे, विष्णू घोडेस्वार व रावेर लोकसभेतील युवक काँग्रेस जिल्हाध्यक्ष आदी उपस्थित होते. दुपारी फक्त 15 ते 18 पदाधिकारी, कार्यकर्ते उपस्थित होते.