मेहरुण तलावावर पती-पत्नीला छेडणाºया दोघांना चोपले

 मद्यपी तरुणांचा धिंगाणा

ठळक मुद्दे जमाव धावल्यानंतर काढला पळ दादागिरी करत कानाखाली आवाज काढला. मदतीला धावले अन्य तरुण

आॅनलाईन लोकमत जळगाव, दि २३ : मेहरुण तलावावर फिरायला आलेल्या पती-पत्नीला छेडणाºया टवाळखोर तरुणांना चांगलेच चोपण्यात आल्याची घटना शनिवारी दुपारी दोन वाजता घडली. जमाव धावून आल्याचे पाहून अंगावरील कपडे व दुचाकी सोडून या टवाळखोरांनी तेथून पळ काढला. याबाबत घटनास्थळावरील लोकांनी दिलेल्या माहितीनुसार, रामेश्वर कॉलनीतील चार ते पाच तरुण मेहरुण तलावावर शनिवारी पोहण्यासाठी आले होते. त्यातील दोन जणांनी मद्यप्राशन केले होते. तलावाच्या कडेला कपडे काढून हे तरुण पोहत असताना त्याच वेळी रामेश्वर कॉलनीकडून गणेश घाटाकडे पती-पत्नी येत होते. या जोडप्याची या तरुणांनी छेड काढली. उगाचच वाद नको म्हणून या दाम्पत्याने टवाळखोरांकडे दुर्लक्ष केले, मात्र तरीही दोन जणांनी त्यांच्यासमोर जावून पतीशी दादागिरी करत कानाखाली आवाज काढला. अन् मदतीला धावले अन्य तरुण भरदिवसा व तेही लोकांच्या समोर महिला व तिच्या पतीशी टवाळखोर हुज्जत घालत असल्याचे पाहून कपडे धुण्यासाठी आलेल्या परिसरातील महिलांनी त्यांच्या भागातील तरुणांना ही माहिती दिली. दोन तरुणांनी तत्काळ तलाव गाठले व छेड काढणाºया तरुणांना हातात काठी घेऊन चांगलेच चोपले. कोणीतरी पुढाकार घेतल्यानंतर महिलेचा पती व भेळच्या गाडीजवळ थांबलेल्या तरुणांनी धाव घेऊन या तरुणांना चोपले. मारहाण करणाºयांची संख्या पाहता छेड काढणारे टवाळखोर अंगावरील कपडे व दुचाकी जागेवरच सोडून पळाले.