तालुका पोलिसांकडून मिळालेल्या माहितीनुसार, येथील बंटी पथरोड याच्या वाढदिवसानिमित्त तालुक्यातील साकेगाव येथे शुभेच्छा फलक लावण्यात आले होते. या फलकाची तोडफोड केल्याच्या कारणावरुन आरोपींनी फिर्यादी मयूर काळे ( १९, रा. साकेगाव) याचे अपहरण केले व त्याच्या परिवाराकडून पाच लाखांची खंडणी मागितली. यानंतर दोन लाखांवर व्यवहार निश्चित झाला व उर्वरित रक्कम दहा हजार रुपये हप्त्याने देण्याचे ठरले.
यानंतर मयूर याच्या वडिलांनी आरोपींकडे दोन लाख रुपये दिले व मयूर याची सुटका करुन घेतली. याबाबत तालुका पोलिसात मयूर काळे याच्या फिर्यादीवरुन आरोपी नितीन कोळी, हर्षल पाटील, सागर भोई, बंटी पथरोड ( रा. भुसावळ) या आरोपींविरुद्ध तालुका पोलिसात गुन्हा दाखल करण्यात आला आहे. तपास एपीआय अमोल पवार करीत आहेत. या गुन्ह्यात आरोपी सागर भोई यास पोलिसांनी ताब्यात घेतले आहे.