लोकमत न्यूज नेटवर्क
जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या एसवाय बी.एस्सी. - सीबीसीएस अभ्यासक्रमाच्या सत्र ४ च्या परीक्षा १५ ते २८ जून या कालावधीतील आयोजित करण्यात आल्या आहेत. दरम्यान, परीक्षेच्या वेळेत बदल करण्यात येत असून, दुपारी १.३० ते ३ ऐवजी सकाळी ९ ते १०.३० या वेळत परीक्षा होणार आहेत.
कवयित्री बहिणाबाई चौधरी उत्तर महाराष्ट्र विद्यापीठाने यापूर्वी प्रसिद्ध केलेल्या परीक्षा वेळापत्रकात एसवाय बी.एस्सी. - सीबीसीएस अभ्यासक्रमाच्या सत्र ४ च्या १५ जून ते २८ जून २०२१ या कालावधीतील (विषय कोड ८ अंकाने सुरू होणाऱ्या) विषयांची परीक्षेची वेळ दुपारी १.३० ते ३ अशी देण्यात आली होती. मात्र, काही विद्यार्थ्यांच्या सत्र ३ व ४ च्या विषयांची परीक्षा एकाच वेळेत येत असल्याने एसवाय बी.एस्सी.- सीबीसीएस अभ्यासक्रमाच्या सत्र ४ च्या १५ ते २८ जून या कालावधीतील विषयांच्या परीक्षेच्या वेळेत बदल आवश्यक होता. त्यामुळे या कालावधीतील विषयांची परीक्षेची वेळ सकाळी ९ ते १०.३० अशी करण्यात आली आहे. सदर आशयाचे परिपत्रक विद्यापीठ संकेतस्थळावर प्रसिद्ध करण्यात आले असून, परीक्षा समन्वयकांनी व महाविद्यालयांनी सदर वेळेतील बदल विद्यार्थ्यांच्या निदर्शनास आणून द्यावा, असे आवाहन करण्यात आले आले.