राजस्थान रॉयल्सच्या संघाचा कर्णधार संजू सॅमसन जसा शानदार फटकेबाजीसाठी ओळखला जातो. तशीच ओळख सोशल मीडियावर राजस्थानच्या ट्विटर हँडलने मिळवली आहे. आपल्या हटके ट्विटसाठी राजस्थान रॉयल्सचे ट्विटर हँडल ओळखले जाते. आता राजस्थानने वर्ल्ड अर्थ डेच्या हटके शुभेच्छा दिल्या आहेत.
त्यावर म्हटले आहे की, ‘फक्त एकच ग्रह आहे ज्यावर क्रिकेट खेळता येऊ शकते. त्याची काळजी घ्या.’ राजस्थानचे हे ट्विट नेटिझन्सला आणि क्रिकेटप्रेमींना चांगलेच आवडले. त्यावर लाइक्स आणि कमेंट्सचा पाऊस पडला आहे.
राजस्थान रॉयल्सचा गुरुवारी रॉयल चँलेजर बँगलोरसोबत सामना आहे. हा सामना जिंकण्यासाठी राजस्थानचा संघ निश्चितच उत्सुक आहे. सध्या राजस्थानचा संघ गुणतक्त्यात सातव्या स्थानी आहे. राजस्थानने तीनपैकी एक सामना जिंकला आहे. तर दोन सामने गमावले आहेत.
त्यासोबतच राजस्थानच्या संघाची कोविड चाचणी करणाऱ्या स्टाफचा फोटो पोस्ट करून त्यांचे आभारदेखील ट्विटरवर मानले आहेत.