जळगाव : उधारीचे पैसे मागितल्याचा रा. आल्याने राकेश सखाराम पवार (वय १९, रा. आझादनगर) या तरुणास राकेश ऊर्फ विक्की, ज्ञानेश्वर याचा लहान भाऊ (रा. कोठारी नगर) व अनोळखी दोघांनी रामानंद नगरातील शंभर फुटी रस्त्यावर अडवून रॉडने मारहाण केल्याची घटना ९ जून रोजी दुपारी अडीच वाजता घडली. याप्रकरणी बुधवारी रामानंदनगर पोलीस ठाण्यात गुन्हा दाखल झाला आहे.
असोदा येथून दुचाकी चोरी
जळगाव : तालुक्यातील असोदा येथील महाजन वाड्यातील चिंतामण भास्कर पाचपांडे (२४) या तरुणाची २५ हजार रुपये किमतीची दुचाकी (क्र. एमएच १९ डीसी ११७१) १५ जून रोजी चोरी झाली आहे. २५ ते ३० वयोगटातील दोन तरुणांनी ही दुचाकी लांबविल्याचे फिर्यादीत नमूद आहे. याप्रकरणी बुधवारी तालुका पोलीस ठाण्यात गुन्हा दाखल करण्यात आला आहे.
कानळदा शिवारातून पाण्याच्या पंपाची चोरी
जळगाव : तालुक्यातील कानळदा शिवारातील चंद्रकांत दिनकर राणे यांच्या शेताच्या बांधावरून आनंदा दगडू सपकाळे यांच्या मालकीचा दहा हजार रुपये किमतीचा पाण्याचा पंप १४ जून रोजी चोरी झाला आहे. याप्रकरणी विश्वनाथ देवीदास भोई (रा.पाळधी, ता. धरणगाव) व प्रेमचंद निंबा नन्नवरे (रा. कानळदा, ता. जळगाव) यांच्याविरुद्ध बुधवारी तालुका पोलिसात चोरीचा गुन्हा दाखल झाला आहे.
खुर्ची तोडल्याने मारहाण
जळगाव : लहान मुलीने खुर्ची तोडल्याच्या कारणावरून अल्ताफ छोटू शहा, शाबीर शहा बहादूर शहा, सईदाबी ऊर्फ शबानाबी शाबीर शहा व रसिदाबी छोटू शहा (सर्व रा. शिवाजीनगर) यांनी मनोज भाऊराव जाधव (वय २२) या तरुणाला दगड, विटा व कुकरने मारहाण केल्याची घटना १४ जून रोजी दुपारी २ वाजता शिवाजी नगरातील शिवशक्ती नगरात घडली. याप्रकरणी बुधवारी शहर पोलीस ठाण्यात गुन्हा दाखल झाला आहे. तपास संजय झाल्टे करीत आहे.