जळगाव: केंद्र सरकारच्या 'स्मार्ट सिटी' प्रकल्पात जळगाव शहराचा समावेश व्हावा व जिल्ह्यातील क्रीडा क्षेत्राला वाव मिळावा यासाठी खासदार ए.टी. पाटील यांनी मंगळवारी संसदेत प्रश्न उपस्थित करून सभागृहाचे लक्ष वेधले. 'स्मार्ट सिटीत जळगावच्या समावेशाची शक्यता कमीच', 'राजकीय पाठपुराव्याची गरज' या मथळ्याखाली 'लोकमत'ने २ मार्च रोजी वृत्त प्रकाशित केले होते. केंद्र सरकारच्या माध्यमातून 'स्मार्ट सिटी'त देशात १00 शहरांची निवड केली जाणार आहे. त्यात शहरांची निवड करण्याची प्रक्रिया सुरू झाली असून त्यात महाराष्ट्रातील निवडक ७-८ शहरांचा समावेश होणार आहेत. विकासासाठी जपान व अन्य राष्ट्रांचा निधी या शहरांना मिळणार असल्याने अनेक नेत्यांनी राजकीय शक्ती पणाला लावली आहे.क्रीडा क्षेत्रावर वेधले लक्ष'स्मार्ट सिटी'सह ग्रामीण क्षेत्रात क्रीडा प्रकाराला न्याय देण्यासाठी केंद्र सरकारची काय योजना आहे व जळगाव जिल्ह्यात कबड्डी व कुस्तीसाठी लागणार्‍या साधन सुविधांचा अभाव असल्याचा मुद्दा उपस्थित करून खासदार ए.टी. पाटील यांनी संसदेचे लक्ष वेधले. त्यावर क्रीडा व युवा कार्यक्रम राज्यमंत्री सर्वानंद सोनोवाल यांनी राजीव गांधी खेळ अभियानातून ग्रामीण भागात क्रीडा क्षेत्राला न्याय देण्याचा प्रयत्न असल्याचे स्पष्ट केले. केंद्र व राज्य सरकारच्या माध्यमातून पंचायत समिती स्तरावर थेट योजना राबविली जाणार आहे. तालुका स्तरावर आधुनिक सुविधा व क्रीडा मैदानांच्या विकासावरही खासदार पाटील यांनी मंत्र्यांचे लक्ष वेधले.कबड्डीबाबत चर्चाकबड्डी व कुस्ती हे खेळ आंतरराष्ट्रीय असूनही ते विशिष्ट भागापुरतेच र्मयादित आहेत. जळगाव व उत्तर महाराष्ट्र हा भाग नेहमीच या खेळात अग्रेसर आहे. आपण स्वत: कबड्डीचे खेळाडू राहिलो आहे. त्यामुळे या खेळाकडे सरकारने अधिक लक्ष देण्याची मागणी खासदार पाटील यांनी केली.
'स्मार्ट सिटी'साठी वेधले संसदेचे लक्ष
By admin | Updated: March 4, 2015 15:20 IST