जळगाव : अण्णासाहेब बेंडाळे प्रतिष्ठानची वार्षिक सभा ऑनलाईन नुकतीच उत्साहात पार पडली.
ही सभा अण्णासाहेब बेंडाळे प्रतिष्ठानचे अध्यक्ष नंदकुमार बेंडाळे यांच्या अध्यक्षतेखाली झाली. यावेळी संस्थेचे कोषाध्यक्ष शशिकांत वडोदकर, सचिव प्रा.अशोक राणे, प्राचार्य संजय भारंबे, प्रणिता झांबरे, चंद्रकांत भंडारी, प्राचार्य झोपे आदी उपस्थित होते. सुरुवातीला अण्णासाहेब बेंडाळे यांच्या प्रतिमेचे पूजन करण्यात आले. नंतर वार्षिक सभेत मागील सभेचे इतिवृत्त वाचून कायम करण्यात आले. २०१९-२० वर्षाचा जमाखर्च, नफातोटा ताळेबंद मंजूर करण्यात आला. अण्णासाहेब बेंडाळे प्रतिष्ठानच्या पुढील वर्षाच्या कार्याची रूपरेषा ठरवण्यात आले. प्राचार्य डॉ. के. एम. पाटील यांनी प्रतिष्ठानला दिलेल्या देणगीतून साने गुरुजी व्याख्यानमाला निरंतर सुरू ठेवण्यात येईल याबाबत चर्चा झाली. प्राचार्य डॉ. गौरी राणे यांनी महाविद्यालयीन मुलींसाठी विशेष कार्यक्रमाचे आयोजन करण्यात यावे या संदर्भात विचार मांडले. या सभेत कोषाध्यक्ष वडोदकर यांनी मार्गदर्शन केले.