ठळक मुद्देखडसे कथित बदनामी प्रकरण२९ जूनला हजर राहण्याचे निर्देश
जामनेर, जि.जळगाव : सामाजिक कार्यकर्त्या अंजली दमानिया यांनी भाजप नेते व माजी मंत्री आमदार एकनाथराव खडसे यांची कथित बदनामी केल्याप्रकरणी येथील न्यायालयाने त्यांना प्रोसेस इश्यू केले असून, २९ जूनला हजर राहण्याचे आदेश दिले आहे.भाजपचे शेंदुर्णी येथील ज्येष्ठ कार्यकर्ते व माजी जिल्हा उपाध्यक्ष उत्तम राघो थोरात यांनी, खडसे यांच्या बदनामी प्रकरणी दमानिया यांच्याविरुद्ध १६ आॅगस्ट २०१६ रोजी फौजदारी खटला क्रमांक ४६०/२०१६ येथील न्यायालयात दाखल केला होता.न्यायालयाने चौकशी करुन कागदपत्रांची तपासणी केली व युक्तीवाद ऐकून घेतल्यानंतर भादंवि कलम ४९९ व ५०० प्रमाणे मंगळवारी प्रोसेस इश्यू जारी केले. थोरात यांच्याकडून अ‍ॅड.प्रदीप शुक्ला काम पाहत असून, त्यांना जळगाव येथील अ‍ॅड. व्ही.एच.पाटील मदत करीत आहे.