लोकमत न्यून नेटवर्क
जळगाव : जि.प.चे माजी सदस्य व कृषी उत्पन्न बाजार समितीचे सभापती बळीराम दादा सोनवणे यांना शुक्रवारी सर्वपक्षीय नेत्यांनी आदरांजली वाहून, त्यांच्या आठवणींना उजाळा दिला. बाजार समितीच्या माध्यमातून बळीराम सोनवणे यांनी शेतकऱ्यांच्या मालाला चांगला भाव मिळणे असो वा ग्रामीण भागातील नागरिकांचे प्रश्न आपल्या आक्रमक शैलीने मांडून ते मार्गी लावण्याचे काम केल्याचे सांगत सर्वपक्षीय नेत्यांनी त्यांच्या आठवणींना उजाळा दिला.
शहरातील लेवा भवन येथे झालेल्या या शोकसभेत पालकमंत्री गुलाबराव पाटील, महापौर जयश्री महाजन, खासदार उन्मेष पाटील, उपमहापौर कुलभूषण पाटील, आमदार चिमणराव पाटील, जिल्हा बँकेच्या अध्यक्षा रोहिणी खडसे-खेवलकर, माजी पालकमंत्री गुलाबराव देवकर, शिवसेना सहसंपर्क प्रमुख गुलाबराव वाघ, जिल्हा परिषद उपाध्यक्ष लालचंद पाटील, डॉ.ए.जी.भंगाळे, शिवसेना जिल्हा प्रमुख विष्णू भंगाळे, माजी महापौर नितिन लढ्ढा, शिवसेना महानर प्रमुख शरद तायडे, करीम सालार, एजाज मलिक, प्रवीण पगारीया यांच्यासह विविध पक्षातील पदाधिकारी मोठ्या संख्येने उपस्थित होते.
सोनवणे परिवार झाला भावूक
यावेळी शिवसेनेचे माजी आमदार प्रा.चंद्रकांत सोनवणे, चोपड्याच्या आमदार लता सोनवणे यांच्यासह सोनवणे परिवारातील डॉ.शांताराम सोनवणे, वसंत सोनवणे, डॉ.अश्विन सोनवणे, शामकांत सोनवणे, नरेंद्र सोनवणे, डॉ. किरण सोनवणे, राहूल सोनवणे, अमित सोनवणे, नितिन सोनवणे, विक्रम सोनवणे, सागर सोनवणे, डॉ. गौरव सोनवणे सर्वजण उपस्थित होते. सर्वपक्षीयांकडून वाहण्यात आलेल्या आदरांजली दरम्यान, सोनवणे परिवारातील सदस्य भावूक झाले होते.