शहरं
Join us  
Trending Stories
1
अस्तनीतले निखारे! पहलगाम मुद्द्यावर काही भारतीयांचा पाकिस्तानला पाठिंबा! ३७ जणांना अटक
2
पहलगाम हल्ल्यानंतर पहिल्यांदाच पंतप्रधान मोदींना भेटले मुख्यमंत्री उमर अब्दुल्ला, 30 मिनिटे चालली चर्चा
3
IPL 2025: कगिसो रबाडा ड्रग टेस्टमध्ये दोषी, झाले निलंबन! स्पर्धा सोडून परतला मायदेशी
4
पाकिस्तानी महिलेशी केलेला विवाह लपवला; CRPF ने देशासाठी धोकादायक म्हणत मुनीर अहमदला केले बडतर्फ
5
मुफ्ती दहशतवाद्यांच्या घरी जायच्या, काश्मिरी पंडितांना हाकलून कोणी दिलं? फारुख अब्दुल्लांचा आरोप
6
"आम्ही पाकिस्तानी लोकांना मारणार नाही, कारण..."; काय म्हणाले फारुख अब्दुल्ला? सिंधूच्या पाण्यासंदर्भातही मोठं विधान
7
IHMCL Recruitment: आयएचएमसीएलमध्ये नोकरी, एक लाखांहून अधिक पगार; जाणून घ्या पात्रता आणि निवड
8
"घरं तोडायला येतील त्यांना सांगा, राज ठाकरेंशी बोलून घ्या"; एल्फिन्स्टन पूल बाधितांना मनसेने दिला धीर
9
"मी सत्तेसाठी कधीच हपापलेलो नाही, सर्वाधिक सत्ता..."; अजित पवारांनी मांडलं रोखठोक मत
10
Alka Kubal: अलका कुबल यांनी 'माहेरची साडी'साठी घेतलं होतं फक्त इतकं मानधन, पहिल्या कमाईचा आकडाही आला समोर
11
"दादांना विचारतो त्यांनी कुठल्या ज्योतिष्याकडे पाहिलं"; CM व्हावं वाटतं म्हणणाऱ्या अजित पवारांना गोगावलेंचा टोला
12
"शिंदे कसले वाघ, मंत्र्यांचा निधी वळवला जातो, अडचण येताच गावी पळून जातात": अंबादास दानवे
13
Temple: शिवालयाच्या पायरीवर असलेल्या 'या' राक्षसाला नमस्कार करून मंदिरात जाण्याचा प्रघात का?
14
पहलगाम दहशतवादी हल्ल्याचा आखाती देशांतील मराठी अनिवासी भारतीयांकडूनही तीव्र निषेध
15
बलुचिस्तानात मोठा खेला...! भारताला पोकळ धमक्या देणारा पाक उघडा पडला; सरकारी इमारतींवर बंडखोरांचा ताबा, लावली आग
16
१३२ सेवा, २४ राज्ये, २८४ जिल्ह्यांना जोडणाऱ्या ‘वंदे भारत’मुळे रेल्वेची किती कमाई होते?
17
Pune Accident: कीर्तन ऐकून घरी परतताना भरधाव मर्सिडीजनं उडवलं; दुचाकीस्वार जागीच ठार
18
Hingoli: डिव्हायडर तोडून टिप्पर थेट ऑटोवर उलटला; टिप्परखाली दबून दोन प्रवाशांचा मृत्यू
19
“प्रत्येकाने सद्भावना मंत्र जोपासावा, महाराष्ट्र धर्म वाचवण्यासाठी काँग्रेसचा सत्याग्रह”
20
कमालच झाली राव! लहान मुलंच म्हणतील फोनला टाटा-बायबाय; फक्त पालकांनी करावं असं काही...

नऊ महिन्यांनंतर सोने पुन्हा ४७ हजारांच्या खाली

By लोकमत न्यूज नेटवर्क | Updated: February 20, 2021 04:44 IST

जळगाव : आयात शुल्कात कपातीपाठोपाठ आता डॉलरचे दरही कमी होऊ लागल्याने सोन्या-चांदीत चांगलीच घसरण होत आहे. यात शुक्रवार, १९ ...

जळगाव : आयात शुल्कात कपातीपाठोपाठ आता डॉलरचे दरही कमी होऊ लागल्याने सोन्या-चांदीत चांगलीच घसरण होत आहे. यात शुक्रवार, १९ फेब्रुवारी रोजी सोन्याच्या भावात ४०० रुपयांनी घसरण होऊन ते ४६ हजार ९०० रुपयांवर आले, तर चांदीतही एक हजार ८०० रुपयांनी घसरण होऊन ती ६८ हजार ७०० रुपयांवर आली आहे. नऊ महिन्यांनंतर सोने पुन्हा ४७ हजारांच्या खाली तर सहा महिन्यांनंतर चांदी ६९ हजारांच्या खाली आहे.

लॉकडाऊन असले, तरी गेल्या वर्षी मे महिन्यात मल्टी कमोडीटी बाजारात उलाढाल होऊन सोन्या-चांदीचे भाव वाढत गेले. दिवाळीपर्यंत ही भाववाढ कायम राहत, त्यानंतर भाव कमी-कमी होऊ लागले. त्यात आता केंद्रीय अर्थसंकल्पात आयात शुल्कात अडीच टक्क्याने कपात झाली व तेव्हापासून भाव आणखी कमी होत गेले.

घसरण कायम

अर्थसंकल्पानंतर मध्यंतरी किरकोळ भाववाढ वगळता सोन्या-चांदीत घसरण कायम आहे. यात शुक्रवार, १९ फेब्रुवारी रोजी सोने नऊ महिन्यांच्या निच्चांकीवर गेले. १८ रोजी ४७ हजार ३०० रुपयांवर असलेल्या सोन्याच्या भावात १९ रोजी ४०० रुपयांची घसरण होऊन ते ४६ हजार ९०० रुपये प्रति तोळ्यावर आले. या पूर्वी ७ मे, २०२० रोजी सोने ४६ हजार रुपयांवर होते. त्यानंतर, त्यात हळूहळू वाढ होत जाऊन ५ जून, २०२० रोजी ते ४७ हजारांच्या पुढे गेले व सोन्याचे भाव ४७ हजार ३०० रुपये प्रति तोळा झाले. त्यानंतर, ही भाववाढ कायम राहिली. मात्र, दिवाळीनंतर हे भाव कमी-कमी होत जाऊन आता ते ४७ हजारांच्या खाली आहे.

अशाच प्रकारे चांदीचेही भाव सहा महिन्यांनंतर ६९ हजारांच्या खाली आले आहेत. ३ ऑगस्ट, २०२० रोजी चांदी ६६ हजार ५०० रुपये प्रति किलोवर होती. त्यानंतर, दोनच दिवसांत चार हजार ५०० रुपयांनी वाढ होऊन ५ ऑगस्ट, २०२० रोजी चांदी थेट ७१ हजार रुपये प्रति किलोवर पोहोचली होती. मात्र, दिवाळीनंतर हे भाव कमी-कमी होत गेले.

मागणी कमी, आयात शुल्क कपात व आता डॉलरचे दर घसरले

अर्थसंकल्पात आयात शुल्क कमी होण्यासह सध्या लग्नसराई नसल्याने मागणी कमी झाली आहे. त्यामुळे सोने-चांदीचे भाव कमी होत आहे. त्यात तीन दिवसांपासून डॉलरचे दर दररोज कमी-कमी होत आहेत. १७ रोजी ७२.९२ रुपयांवर असलेले डॉलरचे दर १८ रोजी ७२.७८ रुपयांवर आले. १९ रोजी हे भाव आणखी कमी होऊन ते ७२.५३ रुपयांवर आले. त्यामुळेही सोन्या-चांदीचे भाव कमी होत असल्याचे सुवर्ण व्यावसायिकांनी सांगितले.

भाववाढ व घसरणीचा प्रवास

दिनांक सोने चांदी

७ मे, २०२० ४६,००० ४४,०००

५ जून, २०२० ४७,३०० ५०,०००

३ ऑगस्ट, २०२० ५४,७००० ६६,५००

५ ऑगस्ट, २०२० ५५,८०० ७१,०००

१९ फेब्रुवारी, २०२१ ४६,९०० ६८,७००

——————-

अर्थसंकल्पात सोन्या-चांदीवरील आयात शुल्क कमी होण्यासह सध्या लग्नसराई नसल्याने, तसेच अमेरिकन डॉलरचे दरही कमी होत असल्याने सोने-चांदीचे भाव कमी होत आहे.

- अजयकुमार ललवाणी, अध्यक्ष, जळगाव सराफ बाजार असोसिएशन